قصيدة الشاعر ناصر الفراعنة ( ناقتي يا ناقتي)

ولد المدير

السلام عليكم ورحمة الله وبركاتة
لقيت قصيدة الشاعر ناصر بن محمد الفراعنه

والتي شارك بها في ثالث امسيات شاعر المليون

واللي كان فيها تفاعل رهيب من جميع من في المسرح فاحببت نقلها لكم...وياليت القى تفاعل معكم ..

اترككم معـ القصيده

ناقـتـي يــا نـاقـتـي .. لا ربـــاع ولا سـديــس
وصليـنـي لابـتـي مــن ورى هــاك الـطـعـوس

حايل(ن) رابع سنـه مـن خيـار العيـس عيـس
خفـهـا لا درهـمــت كـنــه بـالـنـار مـحـسـوس

في دجى خالي خـلا .. لا حسيـس ولا نسيـس
تدوخـك مـن شـدة الـبـرد طقطـقـة الـضـروس

فـي عيونـي يكـفـخ الطـيـر ويطـيـح الفـريـس
وانتهـض جسـاس مـن دون خالتـه البسـوس

وفي خفوقي فرخ جنيـة(ن) يضـرس ضريـس
يـوم اوردهـا هجـوس(ن) واصدرهـا هـجـوس

ديرتـي دار ابـن ضـاري وابـن غثـلـم جـريـس
ديـرة اللـي دوجــو فــي فيـافـي نـجـد جــوس

ديرتـي يــا بـنـت شـيـخ(ن) ومعدنـهـا نفـيـس
عيطـمـوس(ن) دونـهـا دثـرتـنـي عيـطـمـوس

جادل(ن) مطـرق جسدهـا مـع الغربـي يميـس
طينـة(ن) مـن تربـه الخـلـد والــدم محـمـوس

نقشت خمس(ن) من الخمس في ليل الخميس
لـيــت شـعــري مـــا ارادت بـهــذا دخـتـنـوس

كـــم تـمـنـى امـعــه مـثـلـهـا فـتـنــه ابـلـيــس
كـان يمكـن قــد قـلـب نـصـف امتـنـا مـجـوس

كـن دمـاث الـصـدر منـهـا كنيـسـه او كنـيـس
صومعـة رهبـان ديــن(ن) يــؤدون الطـقـوس

آتـقــوس مـــع تـقــوس نـواهـدهــا واقــيــس
قبتين(ن) قاب قوسين قـوس(ن) جنـب قـوس

خصـرهـا يحـكـي لـنـا واقــع الـقـوم التعـيـس
وردفهـا عـن غطرسـة بـوش يعطيـنـا دروس

مــن رغــم قصـرهـا مـــا يجالـسـهـا جـلـيـس
تصبح اطول نسوه الارض في وضع الجلوس

العروسـه ماتـبـي غـيـر ابــو تـركـي عـريـس
العـروسـه نـجـد مـاهــي بـحـيـا الله عـــروس

نـجـد بـنـت المـجـد ونـسـة مونـسـة الونـيـس
مـا عسفهـا الا معـزي ضـحـى يــوم العـبـوس

كل اهل نجد(ن) هلي مـن آجـا حتـى الخميـس
فــي ذراهــم بلتـجـي عــن مقفـفـة الـرسـوس

وعيشتي ما بيـن اسـود(ن) ولا مانـي رئيـس
خير من كوني رئيـس(ن) علـى شلقـه تيـوس

وليـس عيـب ان خدعنـي بمـكـره كــل هـيـس
لأن مــا يفـهـم بطـبـع الهـيـوس الا الهـيـوس

مصطـفـى فــي مـأدبـه عـمـه الـبـابـا لـويــس
كبـر اللقمـه تـحـت ضــوء حـمـراء الـكـؤوس

وطسـم حدتهـا عـلـى حـائـط المبـكـى جـديـس
يــوم شـقـت ثوبـهـا بـنـت عـفــار الـشـمـوس

سـيـده هــاك الـقـصـر اسـمـهـا الاول لـمـيـس
دونـهـا سـمـر الحنـاجـر بتـرهـا حـــد مـــوس

قسقسـت لأحرارهـم قيـس قيـس قيـس قـيـس
والبستـهـم مــن مهانـتـهـم انـــواع الـلـبـوس

بيـن خدعـه كعـب أخيـل(ن) ومولـد ادوريــس
درسـونــا الالـــه والـمــدرس هـــو مــــروس

ويش لاقو مـن قنـاه السويـس اهـل السويـس
وويـش لاقـو مــن تلمـسـان قــوم منسـنـوس

كلـهـم مــن شــدة الـجـوع راحـــو خـنـدريـس
بيـن غيبوبـه مخـدر وصحـوه عــرق ســوس

ثــورة(ن) راحــو سببـهـا بـتـوع الاوتوبـيـس
وش نبـي فيهـا وهـي مــا تـهـز الا الـغـروس

آفه المـرء اثنتـان .. إلـف كـاس وحـب كيـس
والنفـوس الـيـا بغـيـت تعرفـهـا ارم الفـلـوس

ينكشـف زيـف الشعـارات لا حـمـي الوطـيـس
ترجع الاذناب اذناب وتبقـى الـرؤوس رؤوس

صدق لا قال العرب مـا يحـوص الا الخسيـس
ولا يوطي الرؤوس شي مثل ضعـف النفـوس

نـاقـتـي يـــا نـاقـتـي لا ربــــاع ولا ســديــس
وصليـنـي لابـتـي مــن ورى هــاك الـطـعـوس

وسلامتكم

**آنسان^^ثآني**

صح لسانك ولسان شاعرنا الكبيييييييييييييييييييير الفراعنه السبيعي والله مبدع ياراجل ..............!!

تقبل مروري و الله يوفقه في الدنيا والآخره..........!!

_________________

,(الاضافه بدون سبب قله ادب),
ss-0504@hotmail.com
ملاحظة تم تغير اسمي من super-man الى آنسان^^ثآني

**ابـي آنسـآك**

ناصر اقولك

فاطري يافاطري في خلا مابه ونيس
درهمت مثل النعامه تدوس القفر دوس

اذكر اللي سخرك واتعوذ من بليس
كل ماقامت على القفر فالمقطع تحوس

روحت من نجد عجله ويرعبها الحسيس
تسبق الميج المسمى صناعة نسل روس

مانبي ديرة قطر مانبي ديرة عويس
وجهتي لبوظبي بدخل الحرب الظروس

وسلامتكـم

_________________
وترحــل ..
صرخـتي تذبل ..
في وادي لا صدى يوصل
ولا باقي أنين
زمان الصمت ...
ياعمر الحزن والشكوى ...
يا خطـوة .. ماغدت تقوى
على الخطوة
على هـم
السنين

الضيف بدر

تسلم يابو قحط

**vX AXE Xv**

مشكور أخوي أبو قحط

_________________
لا إله إلا الله محمداً رسول الله

**A . G**

مشكووووور على القصيده ......!!!!!!!!!!!@

_________________
يا ربي ان عظمت ذنوبي فان عفوك اعظم

ومايلقاها إلا الذين صبروا ومايلقاها إلا ذو حظ عظيم